Prosječna neto zarada tokom 2025. bila 1.012 eura
Portal ETV
Prosječna (bruto) zarada u decembru 2025. u Crnoj Gori iznosila je 1.220 eura, pokazuju podaci Uprave za statistiku (Monstat). Prosječna zarada bez poreza i doprinosa (neto), precizirali su, bila je 1.022 eura.
- Prosječna (neto) zarada u decembru 2025. godine u odnosu na novembar 2025. godine zabilježila je rast od 0,4 posto, dok je prosječna (neto) zarada u decembru 2025. u odnosu na isti mjesec prethodne godine zabilježila rast od 1 posto. Ako se ima u vidu da su potrošačke cijene u decembru 2025. godine u odnosu na novembar 2025. zabilježile pad od 0,3 posto. proizilazi da su realne zarade za isti period zabilježile rast od 0,7 posto - saopšteno je iz Monstata.
Napominju da je na nivou 2025. prosječna bruto zarada dostigla do 1.206 eura, a prosječna neto zarada 1.012 eura.
- Ako se ima u vidu da su potrošačke cijene u 2025. godini u odnosu na 2024. godinu zabilježile rast od 3,9 posto proizilazi da su realne zarade za isti period zabilježile rast od 11.2 posto - zaključili su u Monstatu.